Ֆաբրեգասը խոսել է Մեսսիի հասցեին հնչող քննադատությունների մասին

«Մոնակոյի» կիսապաշտպան Սեսկ Ֆաբրեգասն անդրադարձել է վերջին շրջանում ՊՍԺ-ի հարձակվող Լիոնել Մեսսիի հասցեին հնչող քննադատություններին։

Հիշեցնենք, որ իսպանացին ու արգենտինացին միասին հանդես են եկել «Բարսելոնայում»։

«Մեսսին արժանի չէ քննադատությունների այդ տարափին։ Լեոն «Ռեալի» դեմ խաղի գլխավոր աստղը չէր, բայց նա լավ խաղաց։ Նա առաջին խաղակեսում այնպիսի գոլային փոխանցումներով էր Մբապեին մեն-մենակ դուրս բերում դարպասապահի դիմաց, որ քչերն են կարողանում այդպես։

Այո, Մեսսին չիրացրեց 11-մետրանոց, և ի՞նչ. նրան դրանում մեղադրելը ծիծաղելի է։ Կուրտուան ֆանտաստիկ դարպասապահ է, և նա իր արժանիքներն ունի»,- Ֆաբրեգասի խոսքը փոխանցում է Mundo Deportivo-ն։