Քեյնի դուբլը վերջին վայրկյաններին հաղթանակ պարգևեց Տոտենհեմին Սիթիի դեմ խաղում 🎥

Անգլիական Պրեմիեր լիգայի 26-րդ տուրում «Տոտենհեմը» հյուրընկալվելիս 3։2 հաշվով հաղթանակ տարավ գործող չեմպիոն «Մանչեսթեր Սիթիի» նկատմամբ։

«Էթիհադ» ստադիոնում կայացած հանդիպման առաջին խաղակեսում թիմերը փոխանակվեցին մեկական գոլով։ 4-րդ րոպեին հաշիվը բացեց «Տոտենհեմի» նորեկ Դեյան Կուլուշևսկին՝ խփելով իր առաջին գոլը լոնդոնյան թիմի կազմում։ 33-րդ րոպեին «քաղաքայինների» պատասխան գոլը հեղինակեց Իլկայ Գյունդողանը։

59-րդ րոպեին Հարի Քեյնը դարձյալ առաջ մղեց «Տոտենհեմին»։ Հանդիպման հիմնական ժամանակին ավելացված րոպեներին թիմերը դարձյալ փոխանակվեցին գոլերով. 90+2-ին հյուրերի դարպասին նշանակված 11-մետրանոցը հստակ իրացրեց Ռիյադ Մահրեզը՝ հավասարեցնելով հաշիվը, իսկ 3 րոպե անց Քեյնն իր հաշվին գրանցեց դուբլ՝ հաղթանակ պարգևելով «խթաններին»։

Այս հաղթանակի շնորհիվ Անտոնիո Կոնտեի գլխավորած «Տոտենհեմը» վաստակած 39 միավորով ընթանում է 7-րդ հորիզոնականով։ «Մանչեսթեր Սիթին» մնաց 63 միավորով և շարունակում է գլխավորել մրցաշարային աղյուսակը՝ 6 միավոր գերազանցելով մեկ խաղ քիչ անցկացրած «Լիվերպուլին»։

Հանդիպման տեսանյութը.

Նորություններ

Բոլոր նորությունները