Միլանը միավորներ կորցրեց Ա սերիայի հետնապահի հետ խաղում 🎥

Իտալական Ա սերիայի 26-րդ տուրում առաջատար «Միլանը» 2։2 հաշվով ավարտեց առաջնության նորեկ «Սալերնիտանայի» հետ արտագնա հանդիպումը։

Հանդիպման 5-րդ րոպեին միլանցիներն առաջ անցան հաշվի մեջ. գոլի հեղինակ դարձավ Ժունիոր Մեսիասը։ 29-րդ րոպեին տանտերերը հավասարեցրին հաշիվը Ֆեդերիկո Բոնացոլիի շրջադարձ հարվածով գեղեցիկ գոլի շնորհիվ։ 

72-րդ րոպեին «Սալերնիտանան» առաջ անցավ հաշվի մեջ. գոլի հեղինակ դարձավ Միլան Ջուրիչը։ 5 րոպե անց «ռոսոներիների» հարձակվող Անտե Ռեբիչը դարձյալ վերականգնեց հաշվի հավասարակշռությունը ՝ ձևակերպելով հանդիպման վերջնարդյունքը։

Այս ոչ-ոքիից հետո «Միլանը» վաստակեց 56 միավոր և 2 միավորով գերազանցում է երկրորդ տեղում ընթացող «Ինտերին», որը երկու հանդիպում պակաս է անցկացրել։ «Սալերնիտանան» 14 միավորով եզրափակում է մրցաշարային աղյուսակը։

Հանդիպման տեսանյութը.

Նորություններ

Բոլոր նորությունները