Չեն թողնում, որ հաճույք ստանաս խաղից. ԲԿՄԱ-ի նորեկը՝ Ռուբինի հետ խաղում իր հեռացման մասին

Մոսկվայի ԲԿՄԱ-ի նորեկ Խորխե Կարասկալն իր նորամուտն է նշել «բանակայինների» կազմում։ Կոլումբացի կիսապաշտպանը խաղադաշտ էր դուրս եկել «Ռուբինի» դեմ ընկերական խաղում (1:1) և կարմիր քարտ ստացել արդեն առաջին խաղակեսում։

Կարասկալը հանդիպումից հետո մեկնաբանել է իր հեռացումը.

«Իրականում, ես առաջին անգամ էի նման իրավիճակում հայտնվում։ Ընկերական հանդիպում, առաջին խաղակես և այդպիսի մրցավարություն։ Հեռացնում են ֆուտբոլիստին, թույլ չեն տալիս հաճույք ստանաս խաղից ու մարզավիճակ հավաքես. . . Այնտեղ սովորական սահանկում էր»,- Կարասկալի խոսքը մեջբերում է «Спорт Экспресс»-ը։