Դոդո. Շախտյորն այս մրցաշրջանում կդառնա չեմպիոն ու կնվաճի Ուկրաինայի Գավաթը

Դոնեցկի «Շախտյորի» պաշտպան Դոդոն խոսել է 2021/22 մրցաշրջանի երկրորդ հատվածի սպասելիքների մասին։

«Ցանկանում ենք վերադառնալ հավաքից, մի փոքր հանգստանալ և կենտրոնանալ երկուշաբթի օրը կայանալիք «Մետալիստի» դեմ խաղի վրա ու նախապատրաստվել Գավաթի խաղարկության քառորդ եզրափակչին։

Թիմում բոլորն իրենց լավ են զգում և կենտրոնացած են առաջիկա խաղերի վրա։ Այժմ մենք 2 միավոր առաջ ենք «Դինամոյից» և դա, իմ կարծիքով, խոստումնալից իրավիճակ է մեզ համար։ Մենք արդեն նվաճել ենք Սուպերգավաթը, կարծում եմ, որ կդառնանք նաև չեմպիոն ու երկրի գավաթակիր»,- բրազիլացի պաշտպանի խոսքը փոխանցում է «հանքափորների» մամուլի ծառայությունը։

Նորություններ

Բոլոր նորությունները