Լաուտարո Մարտինեսը կհեռանա Ինտերից

Միլանի «Ինտերն» առաջիկա տրանսֆերային պատուհանի ընթացքում կվաճառի թիմի հարձակվող Լաուտարո Մարտինեսի տրանսֆերը։ Այս մասին հայտնում է Tuttomercato-ն։

Աղբյուրի փոխանցմամբ՝ արգենտինացու ծառայություններով լրջորեն հետաքրքրված է «Տոտենհեմը» և պատրաստ է առաջարկ անել նրա տրանսֆերի վերաբերյալ։ Մասնավորապես, 24-ամյա ֆուտբոլիստին ցանկանում է իր թիմում տեսնել լոնդոնյան ակումբի գլխավոր մարզիչ Անտոնիո Կոնտեն, որը Լաուտարոյին մարզել է «Ինտերում»։

Հաղորդվում է, որ Մարտինեսի համար մղվող պայքարին պատրաստ է միանալ նաև Լոնդոնի «Արսենալը»։

Իտալական Ա սերիայի ընթացիկ մրցաշրջանում Մարտինեսը մասնակցել է 23 հանդիպման, խփել 11 գոլ ու կատարել 2 գոլային փոխանցում։ Նրա պայմանագիրն «Ինտերի» հետ նախատեսված է մինչև 2026 թվականը։