Ռուս մրցավարը կսպասարկի Նապոլի - Բարսելոնա հանդիպումը

ՈւԵՖԱ-ն «Նապոլիի» և «Բարսելոնայի» միջև Եվրոպա լիգայի 1/16 եզրափակչի պատասխան հանդիպման գլխավոր մրցավար է նշանակել Սերգեյ Կարասյովին։

Նեապոլում կայանալիք խաղում ռուս մրցավարին եզրերում կօգնեն Իգոր Դեմեշկոն և Ալեքսեյ Լունևը։ Չորրորդ մրցավարը կլինի Կիրիլ Լևնիկովը։ VAR-ի խցիկում կաշխատեն նիդերլանդցիներ Պոլ վան Բուկելը և Դենիս Հիգլերը։

«Նապոլի» - «Բարսելոնա» հանդիպումը կկայանա փետրվարի 24-ին և կմեկնարկի Երևանի ժամանակով կեսգիշերին։ Թիմերի միջև կայացած առաջին խաղում կատալոնացիները տանը հաղթել էին 1։0 հաշվով։