Բարսելոնայի 9 ֆուտբոլիստներ հանգստյան օրը մարզման են եկել

«Բարսելոնայի» ինը ֆուտբոլիստներ մարզվել են ակումբի բազայում, չնայած այն բանին, որ գլխավոր մարզիչ Չավին թիմին հանգստյան օր էր տվել։

Ըստ լրագրող Ալեքս Պինտանելայի՝ երեքշաբթի օրը՝ փետրվարի 22-ին, չնախատեսված մարզում են անցկացրել Էրիկ Գարսիան, Ֆերան Տորեսը, Սերխիո Բուսկետսը, Մեմֆիս Դեպայը, Դանի Ալվեսը, Լյուկ դե Յոնգը, Սերժի Ռոբերտոն, Ռոնալդ Արաուխոն և Կլեման Լանգլեն։

Փետրվարի 24-ին « Բարսելոնան» արտագնա խաղում կմրցի «Նապոլիի» հետ Եվրոպայի լիգայի 1/16 եզրափակչի պատասխան խաղում։

Իսպանիայում կայացած առաջին հանդիպումն ավարտվել է ոչ-ոքի՝ 1-1 հաշվով։

Նորություններ

Բոլոր նորությունները