Վրաստանի հավաքականի պաշտպանը կարիերան կշարունակի ՌՊԼ-ում

«Խիմկիի» մամուլի ծառայությունը պաշտոնական կայքում հայտնել է վրացի պաշտպան Գիա Գրիգալավայի տեղափոխության մասին:

«Ողջունում ենք Գիային «Խիմկիում» և մաղթում հաջող ելույթներ «կարմիր-սևերի» կազմում»,- ասվում է ակումբի մամուլի ծառայության հայտարարության մեջ։

32-ամյա Գրիգալավան ազատ գործակալի կարգավիճակ ուներ, ինչի շնորհիվ նա «Խիմկի» տեղափոխվել է անվճար։ Նախկինում նա խաղացել է «Ռոստովում», «ՍԿԱ»-ում, Մոսկվայում, «Վոլգայում», «Կռիլյա Սովետովում», «Անժիում», «Պաֆոսում», «Էթնիկոսում» և  Տուլայի «Արսենալում»:

Վրաստանի հավաքականի կազմում նա անցկացրել է 34 հանդիպում։