Մարտական ոչ-ոքի Լիսաբոնում. Բենֆիկան ու Այաքսը չպարզեցին հաղթողին 🎥

Չեմպիոնների լիգայի 1/8 եզրափակիչ առաջին խաղում «Բենֆիկան» հյուրընկալել էր «Այաքսին»։ Խաղում գրանցվեց գոլառատ ոչ-ոքի՝ 2։2։

Լիսաբոնում կայացած հանդիպման 18-րդ րոպեին հաշվի մեջ առաջ անցավ «Այաքսը». գոլի հեղինակ դարձավ Դուշան Տադիչը։

26-րդ րոպեին «Բենֆիկան» վերականգնեց հաշվի հավասարակշռությունը հյուրերի ֆուտբոլիստ Սեբաստյան Հալերի ինքնագոլի շնորհիվ։ Ընդամենը 3 րոպե անց ֆրանսիացի հարձակվողը նաև գրավեց մրցակցի դարպասը՝ կրկին առաջ մղելով ամստերդամցիներին։

Հանդիպման 72-րդ րոպեին՝ փոխարինման մտնելուց 10 րոպե անց, հանդիպման վերջնարդյունքը ձևակերպեց «Բենֆիկայի» ուկրաինացի հարձակվող Ռոման Յարեմչուկը՝ դարձյալ հավասարեցնելով հաշիվը։

Թիմերի միջև պատասխան հանդիպումը կկայանա մարտի 15-ին՝ Ամստերդամում։

Հանդիպման տեսանյութը.

Նորություններ

Բոլոր նորությունները