Զենիթը դուրս մնաց ԵԼ-ից, Ռեյնջերսը հաղթահարեց Բորուսիայի արգելքը 🎥

Եվրոպա լիգայի 1/16 եզրափակչի պատասխան խաղում Սանկտ Պետերբուրգի «Զենիթը» հյուրընկալվեց «Բետիսին»։

Սևիլիայում կայացած խաղում գրանցվեց գոլազուրկ ոչ-ոքի (0:0), և «Բետիսը» երկխաղյա դիմակայության արդյունքում նվաճեց մրցաշարի 1/8 եզրափակչի ուղեգիր։ Առաջին խաղում իսպանական ակումբն արտագնա հաղթանակ էր տարել 3։2 հաշվով։

Հարկ է նշել, որ հանդիպման հիմնական ժամանակին ավելացված առաջին րոպեին «Զենիթի» պաշտպան Դմիտրի Չիստյակովի գոլը չեղարկվել է VAR համակարգի միջամտությամբ. կանոնների խախտում է գրանցվել ռուսական թիմի գրոհի ժամանակ։

Հանդիպման տեսանյութը.


«Ռեյնջերսը» տանը 2։2 հաշվով ավարտեց Դորտմունդի «Բորուսիայի» հետ պատասխան հանդիպումը։ Շոտլանդական թիմը երկխաղյա դիմակայության արդյունքում (առաջին խաղը՝ 4։2) դուրս եկավ 1/8 եզրափակիչ։

Գլազգոյում կայացած հանդիպման 22-րդ րոպեին 11-մետրանոց նշանակվեց դորտմունդցիների դարպասին. տանտերերին առաջ մղեց նշակետին մոտեցած Ջեյմս Տավերնյերը։ 31-րդ րոպեին «Բորուսիայի» պատասխան գնդակը խփեց Ջուդ Բելինգհեմը, իսկ 42-րդ րոպեին հյուրերին առաջ մղեց Դոնյել Մալենը։

57-րդ րոպեին հաշվի հավասարակշռությունը դարձյալ վերականգնեց Տավերնյերը՝ դառնալով դուբլի հեղինակ և ձևակերպելով հանդիպման վերջնարդյունքը։

Հանդիպման տեսանյութը.

Նորություններ

Բոլոր նորությունները