Ռուսաստանի հավաքականի նախկին ֆուտբոլիստը կարիերան կշարունակի Բելգիայում

Ռուս պաշտպան Ռոման Նոյշտեդտերը տեղափոխվել է «Վեստերլո», հայտնում է բելգիական ակումբի պաշտոնական կայքը։

Ֆուտբոլիստն ազատ գործակալի կարգավիճակ ուներ, ուստի բելգիական ակումբ տեղափոխվել է անվճար։

Կողմերը պայմանագիր են կնքել մինչև 2022 թվականի ամառ՝ ևս մեկ տարով երկարաձգելու հնարավորությամբ։

Հարկ է նշել, որ Նոյշտեդտերն առանց ակումբի է մնացել վերջին վեց ամիսներին։ 34-ամյա ֆուտբոլիստը նախկինում հանդես է եկել «Մայնցում», «Բորուսիայում», «Շալկեում», «Ֆեներբախչեում» և «Դինամոյում»:

Ռուսաստանի հավաքականի կազմում նա անցկացրել է 13 հանդիպում և դարձել մեկ գոլի հեղինակ։