ՌՊԼ. Ախմատը կամային հաղթանակ տարավ Ուֆայի նկատմամբ

Ռուսաստանի Պրեմիեր լիգայի 19-րդ տուրում «Ախմատը» սեփական հարկի տակ 2։1 հաշվով առավելության հասավ «Ուֆայի» նկատմամբ։

Հանդիպման առաջին խաղակեսին ավելացված առաջին րոպեին հաշվի մեջ առաջ են անցել հյուրերը. գոլի հեղինակ է դարձել Յուրի Ժուրավլյովը։

50-րդ րոպեին 11-մետրանոց է նշանակվել «Ուֆայի» դարպասին, որը հստակ է իրացրել տանտերերի կիսապաշտպան Իգոր Կոնովալովը՝ հավասարեցնելով հաշիվը։

84-րդ րոպեին խփած գոլով «Ախմատին» հաղթանակ է պարգևել փոխարինման մտած Ալեքսանդր Տրոշեչկինը։

Այս հաղթանակի շնորհիվ Գրոզնին ներկայացնող ակումբը վաստակեց 30 միավոր և բարձրացավ 5-րդ տեղ։ «Ուֆան» 16 միավորով մնաց նախավերջին՝ 15-րդ հորիզոնականում։