Ռոման 90+9-րդ րոպեին հաղթանակ կորզեց 10 հոգով մնացած Սպեցիայից, Մխիթարյանը մասնակցեց խաղին 🎥

Իտալական Ա սերիայի 27-րդ տուրում «Ռոման» հյուրընկալվեց «Սպեցիային» և հաղթանակ տարավ նվազագույն՝ 1։0 հաշվով։

«Ալբերտո Պիկո» ստադիոնում կայացած հանդիպման առաջին խաղակեսի վերջին րոպեին տանտերերը մնացել են 10 ֆուտբոլիստներով. ընդամենը 6 րոպեում ստացած երկու դեղին քարտի պատճառով խաղադաշտից հեռացվել էր Կելվին Ադուն։

Երկրորդ խաղակեսում ու հատկապես խաղի վերջնամասում թվային առավելություն ունեցող հռոմեական թիմը մրցակցի դարպասը գրավելու բազմաթիվ հնարավորություններ է կորցրել։ «Ռոման» հաղթանակ է կորզել վերջին վայրկյաններին, երբ «Սպեցիայի» դարպասին նշանակված 11-մետրանոցը 90+9-րդ րոպեին անվրեպ է իրացրել Թեմի Աբրահամը։

Հայաստանի հավաքականի ավագ Հենրիխ Մխիթարյանը «Ռոմայի» մեկնարկային կազմում էր և փոխարինվել է 90+1-ին րոպեին։

Այս հաղթանակից հետո Ժոզե Մոուրինյուի գլխավորած թիմը վաստակած 44 միավորով ընթանում է 6-րդ հորիզոնականով։ «Սպեցիան» 26 միավորով 16-րդն է։

Հանդիպման տեսանյութը.

Նորություններ

Բոլոր նորությունները