Կիևի Դինամոյի մարզիչ. Ուկրաինացիները հպարտ ժողովուրդ են. նրանք դեռ երկար են պայքարելու

Կիևի «Դինամոյի» գլխավոր մարզիչ Միրչա Լուչեսկուն, ով Ռուսաստանի ու Ուկրաինայի միջև ծավալված ռազմական հակամարտության ընթացքում մեծ դժվարությամբ է վերադարձել հայրենի Ռումինիա, խոսել է ուկրաինացիների մասին։

«Կինս և ընտանիքիս մյուս անդամները հեռուստատեսությամբ տեսել էին դաժան կադրերը և մի քանի օր ինձ աղաչում էին վերադառնալ տուն։ Ես դա արեցի ստիպված՝ ակումբի նախագահի և խաղացողների հետ խոսելուց հետո։ Ես մշտական ​​կապի մեջ եմ նրանց հետ։ Պետք է ճանապարհ գտնեի նրանց Կիևից տանելու համար, հատկապես երեխաներ ունեցող ֆուտբոլիստներին։

Ուկրաինացիները հպարտ ժողովուրդ են. նրանք շատ են կապված իրենց հողին։ Կարող եմ հավաստիացնել, որ նրանք դեռ երկար են պայքարելու ու դիմադրելու։ Ռուսաստանի ժողովուրդը, վստահ եմ, որ ևս դեմ է պատերազմին»,- Լուչեսկուի խոսքը փոխանցում է Bresciaoggi.it-ը։