Անգլիայի ֆուտբոլային ասոցիացիան հրաժարվել է հանդիպումներ անցկացնել Ռուսաստանի հետ

Անգլիայի ֆուտբոլային ասոցիացիան (FA) հայտարարել է, որ հրաժարվում է Ռուսաստանի հետ միջազգային մակարդակով հանդիպումներ անցկացնելուց։

«Ուկրաինայի հետ համերաշխությունից ելնելով՝ FA-ն հաստատում է, որ տեսանելի ապագայում մենք միջազգային հանդիպումներ չենք անցկացնի Ռուսաստանի հետ։ Սա վերաբերում է բոլոր հանդիպումներին՝ ցանկացած մակարդակում»,- ասվում է կազմակերպության մամուլի ծառայության հրապարակման մեջ։

Հիշեցնենք, որ փետրվարի 24-ին զինված հակամարտություն է սկսվել Ռուսաստանի և Ուկրաինայի միջև՝ ռուսական զորքերի կողմից Ուկրաինա ներխուժմամբ։