Չավին չի բացառել Բարսելոնայի չեմպիոն դառնալու հավանականությունը

«Բարսելոնայի» գլխավոր մարզիչ Չավի Էրնանդեսը Լա լիգայի 26-րդ տուրում «Ատլետիկի» նկատմամբ տարած ջախջախիչ հաղթանակից (4:0) հետո խոսել է այս մրցաշրջանում թիմի հնարավորությունների մասին։

«Ես նման արդյունք ակնկալում էի, քանի որ «Բարսան» գնալով ավելի լավն է դառնում։ Մենք փայլուն հանդիպում անցկացրինք, և ես հիանալի տպավորություններ ունեմ։ Երջանիկ եմ, որ մենք ներդաշնակ ենք թիմի երկրպագուների հետ. շուրջբոլորը լավ մթնոլորտ է։

Ինչ վերաբերում է չեմպիոնությանը, ապա մենք հիմա ոչինչ չենք բացառում, սակայն հասկանում ենք, որ «Ռեալն» այս պահին ուժեղ է։ Պետք է բարելավենք մեր դիրքերը մրցաշարային աղյուսակում։ Մենք առայժմ չորրրորդն ենք, ինչը նշանակում է, որ պետք է ձգտենք լավագույն եռյակ մտնելուն»,- Չավիի խոսքը մեջբերում է Marca-ն։