Բարսելոնայի տաղանդի գործակալին նկատել են Ռեալի գրասենյակում

«Բարսելոնայի» կիսապաշտպան Գավիի գործակալ Իվան Դե Լա Պենյային նկատել են Մադրիդի «Ռեալի» գրասենյակում։ Այս մասին հայտնում են իսպանական ԶԼՄ-ները։

Marca-ի փոխանցմամբ՝ 17-ամյա ֆուտբոլիստի ներկայացուցիչն «արքայական» ակումբի գրասենյակում է եղել մի քանի օր առաջ, ինչն էլ Գավիի նկատմամբ «Ռեալի» հետաքրքրության մասին խոսակցությունների առիթ է դարձել։

Սակայն, ամենայն հավանականությամբ, Դե Լա Պենյան մադրիդյան ակումբի ղեկավարության հետ քննարկել է «Ռեալի» երկրորդ թիմի խաղացող Մարկ Կուկալոնի հետ պայմանագրի երկարաձգման հարցը։

Գավիի գործող պայմանագիրը «Բարսելոնայի» հետ նախատեսված է մինչև 2023 թվականի ամառ։ Կողմերը դեռևս համաձայնության չեն հասել այն երկարաձգելու շուրջ։

Նորություններ

Բոլոր նորությունները