Լիվերպուլի ավագը՝ Ուկրաինայում տիրող իրավիճակի մասին. Դա սարսափելի է

«Լիվերպուլի» ավագ Ջորդան Հենդերսոնը «Չելսիի» դեմ Անգլիայի Լիգայի գավաթի խաղարկության (0:0, 11 մետրանոցներով՝ 11։10) եզրափակչից հետո անդրադարձել է նաև Ուկրաինայում տիրող պատերազմական իրավիճակին։

«Առանձնահատուկ զգացողություն է այս ակումբի հետ տիտղոս նվաճելը։ Ես շատ ուրախ եմ։

Բայց աշխարհում ավելի լուրջ բաներ են կատարվում։ Երկու թիմերն էլ դուրս եկան խաղադաշտ՝ մարդկանց աջակցելու համար։ Այն, ինչ տեղի է ունենում Ուկրաինայում, սարսափելի է։ Հուսով եմ՝ բոլորս խաղաղություն կգտնենք»,- ասել է Հենդերսոնը Sky Sports-ի եթերում։

Լոնդոնում կայացած հանդիպման ժամանակ «Ուեմբլի» ստադիոնի տրիուբունաներում Ուկրաինայի դրոշի գույներով պաստառ էր բացվել՝ «Ֆուտբոլը միավորում է» գրությամբ։ Հիշեցնենք, որ «Լիվերպուլը» պատմության մեջ ռեկորդային՝ 9-րդ անգամ դարձել է Անգլիայի Լիգայի գավաթակիր։