Բարսելոնան Դեմբելեին նոր պայմանագիր է առաջարկում

«Բարսելոնան» պատրաստվում է երկարաձգել պայմանագիրը հարձակվող Ուսման Դեմբելեի հետ, հայտնում է El Chiringuito TV-ն:
Աղբյուրի տեղեկություններով՝ ակումբն արդեն հարձակվողին առաջարկել է մինչև 2024 թվականը պայմանագիր։
Այս պայմանագրով ֆրանսիացին տարեկան կստանա 8 միլիոն եվրո։ Պայմանագիրը կներառի նաև հատուկ բոնուսներ։

Ավելի վաղ հայտնի էր դարձել, որ «Բարսելոնայի» հարձակվող Ուսման Դեմբելեն ակումբի գլխավոր մարզիչ Չավիին խոստացել է,
որ կշարունակի իր ողջ ուժը տալ կապտանռնագույնների համար։
Մարզիչը հանդիպել է խաղացողի հետ՝ քննարկելու նրա հետ հետագա համագործակցության հեռանկարները:
Արդյունքում մարզիչը աջակցություն է հայտնել ֆրանսիացուն։

Հիշեցնենք, որ Դեմբելեի պայմանագիրը «Բարսելոնայի» հետ ավարտվում է հաջորդ ամառ։
Ավելի վաղ ֆրանսիացին հրաժարվել էր երկարաձգել պայմանագիրը կատալոնացիների հետ։